Молитва от пьянства Св. мученику Бонифатию

О, многострадальный и всехвальный мучниче Бонифатие, ко твоему заступле́нию ныне прибега́ем, молений нас пою́щих тебе, виждь бра́тию, се́стры наша тяжким не́дугом пьянства одержимия, виждь того ради от ма́тере своея Церкви Христо́вой и вечного спасе́ния отпадающия. О, Святый мучениче Христов, коснися их серде́ц, данною ти от Бога, благода́тию. Скоро востави от паде́ний грехо́вных и ко спасительному воздержа́нию приведи их. Умоли Господа Бо́га, Его же ради страдал еси, да простит нам согреше́ния наше, не отвратит ми́лости Своея от сынов Своих, но да укрепит нас в трезвении и целому́дрии, да поможет Своею десницею трезвящимся спаси́тельный обет свой до конца сохранити, но дни и нощи с ним бодрствующе, и до́брыя ответ о нем оздати на страшем Судищи Твоем. Прими, угодниче Божий, моли́твы матерей о чадах своих, слезы проливающих, жен честных, о мужах своих рыдающих, чад, сирых и убогих, от пьяниц оставленных, и всех нас, ико́не твоей припадающих, и да приидет сей вопль наш, моли́твами твоими, ко Престолу Всевышнего даровати всем по молитвам их: здравие и спасение душ и телес, наипаче же. Царство небе́сное.

Покрый и соблюди нас от лукавого волнения и всех кознец вражних, и в стра́шный час исхода нашего, помози прейти непреткновенно воздушные мытарства и моли́твами твоими избави вечного осуждения.

Умоли Господа даровати нам и Отечеству нашему любо́вь нелицемерную и непоколебимую, перед врагами Церкви Святых, видимыми и невидимыми, силу непобеди́мую, да покроет нас милость Божия в нескончаемые веки веков. Аминь.

Эта молитва помогает избавиться от пьянства, желательно читать длительный период.

Комментарии и пинги к записи запрещены.

Комментарии закрыты.